Shymkentte shilińgir ystyq bolady

ShYMKENT. QazAqparat - 20-22 shilde aralyǵynda Shymkent qalasynda kún raıy +40, +43 gradýsqa deıin kóterilýi múmkin, dep habarlaıdy QazAqparat tilshisi.

Shymkent qalalyq Tótenshe jaǵdaılar departamenti turǵyndarǵa saqtyq sharalaryn qatań saqtaý kerektigin eskertedi.

Sebebi, ystyq aýa raıy júrek-qan tamyrlary aýrýlary, arterııalyq gıpertenzııasy bar, sondaı-aq ınfarkt pen ınsýlt qaýpi bar adamdar úshin qaýipti.

«Bas kıimsiz dalaǵa shyqpańyz, kún sáýlesi tııýden saq bolý úshin kúndiz qart adamdar men balalar serýendeýden bas tartqany jón. Fızıkalyq jattyǵýlardy toqtatý kerek. Sozylmaly aýrýlary bar adamdar dárigerdiń usynystaryn naqty oryndap, taǵaıyndalǵan dári-dármekterdi ýaqtyly qabyldaý qajet», - deıdi mamandar.

Sondaı-aq, shóldi basý úshin tańerten, keshki ýaqytta kóbirek sý ishý kerektigin eske salady. Al, múmkindiginshe gazdalǵan tátti sýsyndardy paılanbaǵanyńyz jón.

Sonymen qatar, tótenshe jaǵdaı qyzmeti ystyq kúni balalarǵa erekshe nazar aýdarý qajettigin eske salady.