Shymkentte sáýir aıynan bastap 20 myńnan astam otbasy áleýmettik járdemaqy alady

ShYMKENT. QazAqparat - Shymkenttiń aqparattyq kommýnıkatsııa ortalyǵynda Elbasy tapsyrmasyna sáıkes qolǵa alynǵan «Áleýmettik qamqorlyq» bastamasyn Shymkent qalasynda keńinen nasıhattaý maqsatynda brıfıng ótti. Jıynǵa Shymkent qalasy ákiminiń orynbasary Gúljan Qurmanbekova men Jumyspen qamtý jáne jáne áleýmettik qorǵaý basqarmasynyń basshysy Ǵalymjan Baltaev qatysty, dep habarlaıdy QazAqparat tilshisi.

Baspasóz májilisinde Elbasy Nursultan Nazarbaevtyń bastamasymen az qamtylǵan jáne kópbalaly otbasylar tobyna usynylǵan áleýmettik qoldaýlardyń jospary jáne ataýly áleýmettik kómek kórsetýdiń jańa tártibi túsindirildi. Atalǵan khómekterdiń qalada oryndalý barysy jan-jaqty sóz boldy.

«Ataýly áleýmettik kómek taǵaıyndaǵan kezde otbasynyń jıyntyq tabysynan kópbalaly otbasylarǵa jáne «Kúmis alqa» jáne «Altyn alqamen» marapattalǵan kópbalaly analarǵa memlekettik járdemaqylar, sondaı-aq balalarǵa arnalǵan múgedektigi boıynsha járdemaqylar, stıpendııa alyp tastalady. Sonymen qatar, az qamtylǵan otbasylardyń balalaryna (18 jasqa deıin, oqyǵan jaǵdaıda 23 jasqa deıin) aı saıyn 20 789 teńge kómek tólenetin bolady. Bul degenimiz kúnkóris deńgeıiniń 70 paıyzyn quraıdy. 2018 jyly 10774 otbasy ataýly áleýmettik kómek alsa, 2019 jyly 1 sáýirden bastap olardyń sany 20 ıyńnan astam otbasyǵa ulǵaıady dep josparlanýda, - dedi Gúljan Qurmanbekova.

Sala mamandarynyń sózinshe, búgingi tańda Shymkent qalasynda az qamtylǵan otbasylardyń ómir sapasyn jaqsartýǵa arnalǵan arnaıy Shtab qurylǵan. Onyń quramyna depýtattar, quzyrly organ, «Nur Otan» partııasy men Kásipkerler palatasynyń ókilderi, 4 aýdan ákimi men basqarma basshylary engizilgen.

«Qala turǵyndaryna Elbasynyń tapsyrmasyn keńinen nasıhattaý úshin 4 aýdan ákimdikterinde jáne basqarmalarda «Ashyq esik» kúnderi ótkizilýde. Sondaı-aq, jergilikti bıýdjet esebinen 8 Naýryz - Halyqaralyq áıelder kúni merekesine oraı «Altyn alqa», «Kúmis alqa» ıegerlerine, 9 632 analarǵa barlyǵy 119,9 mln teńge tólenýde naýryz aıynyń sońyna deıin jeke esep-shottaryna aýdarylady. Qoǵamdyq kólikterde «Altyn alqa», «Kúmis alqa» ıegerleri tegin júrýde», - dedi qala ákiminiń orynbasary.