Shymkentte sarbazdarǵa sarqyt úlestirildi

ShYMKENT. QazAqparat - Búgin Shymkent qalalyq Qazaqstan halqy Assambleıasynyń músheleri 6506 áskerı bóliminde boryshyn ótep júrgen sarbazdarmen kezdesý ótkizdi. Іs-shara aıasynda aq jaýlyqty analar men etnomádenı birlestikterdiń músheleri ásker qataryna jańadan qabyldanǵan sarbazdarǵa merekelik sarqyt taratty, dep habarlaıdy QazAqparat tilshisi.

Qazaqstan halqy Assambleıasynyń dástúrli «Qaıyrymdylyq kerýeni» aktsııasy aıasynda uıymdastyrylǵan shara bıyl «Meıirimdilikpen birlikke!» uranymen bastaldy. Igi sharada qalalyq «Qoǵamdyq kelisim» KMM basshysy Erbol Baıqonaqov pen birqatar etnomádenı birlestik tóraǵalary sóz sóılep, qaıyrymdylyq jasaýdyń mańyzyna toqtaldy.

«Sarqytty qazaq halqy «úlken kisilerdiń jolyn bersin, abyroıyn bersin» degen yrymmen jastarǵa jegizgen. Osyny eskergen Assambleıa músheleri Otan aldyndaǵy boryshyn ótep júrgen sarbazdarǵa elden sálemde retinde baýyrsaq, qurt, irimshik, jent-talqan syndy ulttyq taǵamdarymyzdy úlestirdik. Yntymaǵy yrysty, birligi bekem elimizdi qorǵaýda tabandylyq pen erik-jiger tiledik», - dedi qalalyq «Yntymaq» etnosaralyq mádenı birlestiginiń tóraıymy Gaýhar Tólepova.

Shara barysynda sarbazdar sondaı-aq «Kórkem» ájeler toby daıyndaǵan kontserttik baǵdarlamany tamashalady.

Assambleıa músheleriniń sózinshe, jyl sońyna sońyna deıin jalǵasatyn qaıyrymdylyq is-sharalary aıasynda aı saıyn arnaıy ataýmen qaıyrymdylyq isteri jasalady. Máselen., qarttar men jetimderge, naýqas azamattar men kómekke muqtaj jandarǵa kóńil bólinbek. Materıaldyq kómek kórsetiledi. Oǵan assambleıa janyndaǵy qurylymdar men «Jańǵyrý joly» jastar qozǵalysynyń belsendileri, etnomádenı birlestikter men óńirdegi metsenattar atsalyspaq.