Shymkentte sanıtarlyq talapqa saı kelmeıtin 66,7 keli tamaq ónimi satylymnan alyndy

ShYMKENT. QazAqparat - Shymkentte sanıtarlyq talaptarǵa sáıkes kelmeıtin 66,7 keli tamaq ónimderi satylymnan shyǵaryldy. Onyń ishinde energetıkalyq sýsyndar, konservilengen jemis-jıdek jáne maı ónimderi bar, dep habarlaıdy QazAqparat tilshisi.

Shymkent qalasynyń sanıtarııalyq-epıdemıologııalyq baqylaý qyzmetiniń mamandary ónim qaýipsizdigi monıtorıngi sheńberinde saýda nysandarynan barlyǵy 1441 synama alyp zerttedi.

Saraptama nátıjesi boıynsha 35 ónim synamasy Keden odaǵynyń tehnıkalyq reglamentterine sáıkes kelmeıtini anyqtaldy.

Onyń 91,4% - ımporttyq ónimge tıesili bolsa, qalǵan 8,5% - otandyq óndirýshiler úlesinde.

«Sanıtarııalyq-epıdemıologııalyq saraptama barysynda qus eti ónimderiniń 1 synamasynda, aspazdyq ónimderdiń 2 synamasynda mıkrobıologııalyq kórsetkish boıynsha talaptar buzylǵan. Sonymen qatar, ımporttyq energetıkalyq sýsyndardyń 3 synamasynda adam densaýlyǵyna qaýipti konservant – natrıı benzoatynyń mólsherden tys qosylǵandyǵy belgili boldy. Ónimi talapqa saı kelmegen kásipkerlik sýbektilerine zańnama talaptaryn buzýshylyqtardy joıý týraly 16 nusqama berilip, QR «Ákimshilik quqyq buzýshylyq týraly» Kodeksiniń 425 babynyń 1 tarmaǵyna sáıkes aıyppuldar salyndy» - deıdi Shymkent qalasynyń Sanıtarııalyq-epıdemıologııalyq baqylaý departamentiniń bas mamany Uljan Álibaeva.