Shymkentte polıtsııa qyzmetkeri kólikpen qaqqan kelinshek qaıtys boldy

ShYMKENT. QazAqparat - Shymkentte polıtsııa qyzmetkeri kólikpen qaǵyp ketken 40 jastaǵy kelinshek kóz jumdy, dep habarlaıdy QazAqparat tilshisi.

Buǵan deıin habarlaǵanymyzdaı, 3 tamyz kúni Baıtursynov kóshesindegi jaıaý júrginshiler ótkelinde Turan aýdandyq polıtsııa bóliminiń júrgizýshi polıtseıi qyzmettik avtokólikpen 2 adamdy qaǵyp ketken bolatyn. Saldarynan 40 jastaǵy áıel men onyń kámelet jasyna tolmaǵan qyzy aýrýhanaǵa jetkizildi.

Kelinshek №1 qalalyq klınıkalyq aýrýhananyń jansaqtaý bólimine jatqyzylǵan edi. Dárigerler úsh kún boıy arpalysqanymen, naýqastyń ómirin aman alyp qala alamady.

«Naýqas jasandy tynys alý apparatynda boldy. Em sharalary júrgizilgenine qaramastan, jaǵdaıy aýyrlap, 7 tamyz kúni qaıtys boldy», - deıdi dáriger Ońalbaı Narmanov.

Jol-kólik apaty Shymkent qalasy Polıtsııa departamentinde QR Qylmystyq kodeksiniń 345-baby 2-bóligi (Kólik quraldaryn basqaratyn adamnyń abaısyzda adam densaýlyǵyna aýyr zııan keltirýge ákep soqqan jol júrý qaǵıdalaryn buzý) boıynsha tergelip jatyr.