Shymkentte polıtsııa qyzmeti basshylary sottaldy

ShYMKENT. QazAqparat – Shymkent qalasy Polıtsııa departamentiniń jergilikti polıtsııa qyzmetiniń basshylary júıeli jemqorlyq qylmysy úshin sottaldy, dep habarlaıdy QazAqparat.

Sybaılas jemqorlyqqa qarsy is-qımyl agenttigi Shymkent qalasynyń qylmystyq ister jónindegi aýdanaralyq soty 4-rota komandıri Q. Álimhanov pen 8-rota komandıri N. Myrzalıevke qatysty úkim shyǵarylǵanyn málimdedi. Álimhanov pen Myrzalıev 7 jylǵa bas bostandyǵynan aıyrylyp, memlekettik qyzmette qyzmet atqarý quqyǵynan ómir boıyna aıyryldy. Úkim zańdy kúshine engen joq.

Sottalǵandar Shymkent qalasy Sybaılas jemqorlyqqa qarsy qyzmet departamentimen jáne Polıtsııa departamentiniń Ózdik qaýipsizdik basqarmasymen áshkerelengen bolatyn. Olar qyzmettegi jalpy qamqorlyǵy úshin turaqty negizde qaramaǵyndaǵylardan 5-ten 10 myń teńgege deıin birneshe ret para aldy dep aıyptaldy.

Budan basqa, Álimhanov ákimshilik jaýapkershilikke tartpaǵany úshin óziniń qaramaǵyndaǵylar arqyly Shymkent qalasynyń turǵynynan 130 myń teńge somasynda zańsyz syıaqy alǵan. Sybaılas jemqorlyqqa qarsy qyzmet pen ІІM-niń jemqorlyq faktilerin anyqtaý jáne jolyn kesý jónindegi ózara yntymaqtastyq týraly memorandým aıasynda birlesken jumysy jalǵasyp jatyr.