Shymkentte pırotehnıkalyq zattardy satý jáne saqtaý tártibine baqylaý júrgizý máseleleri talqylandy
Qalalyq Tótenshe jaǵdaılar departamentiniń «Daǵdarys ortalyǵynda» ótken jıynǵa iri saýda oryndary men bazarlardyń ókilderiniń qatysty, dep habarlaıdy QazAqparat tilshisi. QR Prezıdenti Qasym-Jomart Toqaevtyń halyqqa arnaǵan Joldaýynda azamattardyń qaýipsizdigin qamtamasyz etýdi mindettegen bolatyn. Osy oraıda qalanyń tótenshe jaǵdaılar qyzmeti jańa jyl kezinde bolatyn túrli qaıǵyly jaǵdaılardyń aldyn alýdy qolǵa alǵany belgili. TJ departamenti bastyǵynyń mindetin ýaqytsha atqarýshy polkovnık E.Bahaevtyń tóraǵalyq etýimen ótken jınalysta zilzalalardyń qaýip-qaterin azaıtý jáne azamattyq qorǵaý salasynda baqylaý basqarmasynyń bas mamany azamattyq qorǵaý kapıtany N.Keýtaev baıandama jasady. Joǵary táýekelge jatqyzylǵan saýda obektilerinde júrgizilgen tekseristerdiń qorytyndysy aıtylyp, anyqtalǵan kemshilikter kórsetildi. Sonymen qatar órt qaýipsizdik qaǵıdalaryn buzýǵa jol bergen laýazymdy tulǵalarǵa salynǵan aıyppul týraly da aıtyldy. Jańa jyl qarsanynda sondaı-aq jeke jáne zańdy tulǵalardyń belgilengen azamattyq pırotehnıkalyq zattar men olar qoldanylyp jasalǵan buıymdardyń aınalymy qaǵıdalarynyń saqtalýyn baqylaý jumystary týraly azamattyq qorǵaý polkovnıgi Baýyrjan Іzbasarov aıtyp ótti. Sondaı-aq, jıynǵa qatysqan ókilderge jańa jyldyq mereke kezindegi órt qaýipsizdigi týraly jadynama taratyldy. Óz kezeginde bul jadynamany kóbeıtip, saýda oryndarynda, bazarlarda taratýǵa usynys jasaldy.
Іs-shara barysynda «Pırotehnıka» atty jedel-profılaktıkalyq is-shara Shymkent q.Polıtsııa departamentimen birlesip uıymdastyrylǵandyǵy atap ótildi. Osy profılaktıkalyq reıdter kezinde ruqsat etilmegen, sondaı-aq, ruqsat berý qujattary joq pırotehnıkalyq buıymdardy satý faktilerin anyqtaýǵa baǵyttalyp, adamdar jappaı jınalatyn oryndardy tekserýge erekshe kóńil bólinedi. Osy jınalysta qala aýmaǵyndaǵy iri saýda oryndarynyń tizilimi anyqtalyp, birlesken reıd júrgizý týraly sheshim qabyldandy.