Shymkentte ózge ult ókilderi qazaq halqyna alǵys aıtty

ShYMKENT. QazAqparat - Shymkentte «Kórshige izet» atty shara uıymdastyrylyp, onda ózge ulttyń ókilderi qazaq halqyna alǵys aıtty. Alǵys aıtý kúni merekesi qarsańynda bastalǵan aptalyqtyń bir kúni osyndaı ıgi sharamen jalǵasty, dep habarlaıdy QazAqparat tilshisi.

Bul kúni qala irgesindegi Saıram turǵyn úı alabyndaǵy ózbek etnosynyń beldi azamattary kórshiles Shapyrashty, Ótemis, Qyzylsý, Tassaı, Mártóbe, Toǵys, Badam, Qarabastaý aýyldarynyń abzal qarııalaryn dastarhanǵa shaqyrdy. Abyroıly el aǵalaryn qonaq qylyp kútip, izet kórsetti. Merekelik jıynda turǵyndar bir-birine iltıpat jasap, jergilikti etnos ókilderi qazaq eline degen aqedil alǵysyn bildirdi.

Aıta keteıik, buǵan deıin qalada «Alǵys aıtý kúni» merekesi qarsańynda aptalyq uıymdastyrylyp, shara «Qaıyrymdylyq kúnimen» bastaý aldy. Qazaqstan halqy Assambleıasy «Sybaǵa» is-sharasy ótkizdi.

Illıýstratsııalyq foto