Shymkentte órtten qaıtys bolǵandar sany 8 ese artty

ShYMKENT. QazAqparat – Shymkentte órt oqıǵalarynan qaıtys bolǵandar sany 8 esege ósti. Bul týraly Shymkent qalasynyń TJD Memlekettik órt baqylaý basqarmasynyń bastyǵy Elmıra Erejepova málimdedi, dep habarlaıdy QazAqparat tilshisi.

Shymkentte jyl basynan beri órt oqıǵalarynan 8 adam qaıtys boldy. Al materıaldyq shyǵyn 552 mln 742 myń teńge bolǵan. Bul kórsetkish ótken jylmen salystyrǵanda 3 ese artqanyn kórýge bolady.

Jalpy Shymkent qalasy aýmaǵynda jyl basynan bergi jeti aı ishinde 109 órt oqıǵasy tirkeldi. Onyń 75 paıyzyn turǵyn úıler men avtokólikterdegi órt oqıǵalary qurap otyr. Qalǵan 25 paıyzy óndiris, saýda, qoıma, ákimshilik obektilerde jáne ashyq aýmaqtarda bolǵan.

«Órt oqıǵalarynan qutqarylǵan materıaldyq qundylyq 1 mlrd 363 mln 430 myń teńge bolǵan. Osy jyly órtten jaraqat alǵandar joq. Al qaza bolǵandardyń basym bóligi alkogoldi masań kúıde bolǵan. TJD qyzmetkerleri tarapynan turaqty túrde barlyq páter ıelerine órt qaýipsizdik talaptaryn saqtalýy týraly úgit-nasıhat jumystary júrgizilip, jadynama paraqshalary taratyldy. Bul baǵyttaǵy jumystar turaqty túrde júrgizilip jatyr» -dedi Elmıra Erejepova.