Shymkentte Oralhan Bókeı atyndaǵy kórkemsóz oqý sheberleriniń respýblıkalyq baıqaýy ótedi
Baıqaýdyń maqsaty - memlekettik tildiń qoldanylý aıasyn keńeıtý, til mádenıetin kóterý, kórkem ádebıetti nasıhattaýdy jandandyrý, el ishinen talapty, talantty jastardy izdep tabý. Kórkem shyǵarmalardy oqyp-úırený men nasıhattaýda jastardyń yqylasy men qyzyǵýshylyǵyn arttyrý.
Bul sharaǵa elimizdiń 14 oblysynan jáne Astana, Almaty qalalarynan oblystyq, qalalyq deńgeıde ótkizilgen baıqaýlardyń jeńimpazdary (barlyǵy 16 úmitker) qatysady. Erejege sáıkes úmitkerler Oralhan Bókeıdiń jáne basqa da elimizge belgili, sóz ónerimizdiń damýyna ózindik úles qosqan dramatýrg, aqyn-jazýshylarymyzdyń kez kelgen shyǵarmalarynan úzindi oqyp, óz ónerlerin ortaǵa sala alady.
Qatysýshylardyń shyǵarmalaryn zııaly qaýym ókilderi men ǵalymdardan quralǵan qazylar alqasy baǵalaıdy jáne anyqtaıdy. Al jeńimpazdar dıplomdarmen, alǵys hattarmen jáne qarjylaı syılyqtarmen marapattalady.