Shymkentte oqýshylarǵa kórsetiletin medkómekke 1 mlrd teńgeden astam qarjy bólindi
BAQ ókilderi mektep-lıtseıindegi qabyldaý bólimi men em-shara kabınetiniń jumysyn kórip shyqty. Medıtsınalyq kabınetterde alǵashqy kómek jáne profılaktıkalyq qyzmetter kórsetiletinen habardar boldy.
«Mundaǵy medıtsına mamandary avtomatandyrylǵan basqarý júıesi arqyly jumys isteıdi. Biryńǵaı júıe arqyly oqýshynyń densaýlyq jaǵdaıy týraly jergilikti emhanaǵa habarlama berip otyrady. Búginde Shymkent qalasynda 137 mektep bar bolsa, olarǵa 18 medıtsınalyq mekeme MÁMS júıesi aıasynda qyzmet kórsetýde»,- deıdi sala mamandary.
«Mindetti medıtsınalyq saqtandyrý qory» KEAQ-nyń Shymkent qalasy boıynsha fılıaly dırektorynyń orynbasary Shalqar Sherimov bıylǵy jyly qaladaǵy mektep medıtsınasynyń damýyna qazynadan 1 mıllıardtan astam teńge bólingenin málimdedi.
«Jyl basynan beri shahardaǵy barlyq bilim uıalaryndaǵy medıtsınalyq kabınetterdi qaıta jabdyqtap jatyrmyz. Mamandar sanyn da kóbeıtemiz. Bul óz kezeginde oqýshylardyń densaýlyǵyn jaqsartyp, balalar arasyndaǵy túrli aýrýlardyń aldyn alýǵa septigin tıgizedi. Bólingen qarjy boıynsha mekteptegi balalar jyl saıyn profılaktıkalyq tekserýden ótedi jáne olarǵa stomatologııalyq medıtsınalyq kómekter kórsetiledi»,- deıdi Sh. Shakımuly.