Shymkentte Nurtas Ońdasynov týraly fılmniń tusaýkeseri ótti

ShYMKENT. QazAqparat - Shymkentte «Nurtas Ońdasynov» atty tolyqmetrajdy derekti fılmniń tusaýkeseri ótti. Bul fılmdi QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ jáne «Almatyfılm» kınostýdııasy birlese otyryp túsirgen.

Mınıstrliktiń baspasóz qyzmetiniń habarlaýynsha, fılmniń basty keıipkeri Nurtas Dándibaıuly (1904-1989jj.) kórnekti memleket jáne qoǵam qaıratkeri, ǵalym. Halyq komıssarlar keńesiniń tóraǵasy bolyp qyzmet atqarǵan jyldary Qazaqstannyń ekonomıkasy, ǵylymy men mádenıetiniń damýyna zor úles qosqan.

Nurtas Ońdasynuly elimizdiń birtýar azamattaryna  qoldaý kórsetti, atap aıtsaq, D.Qonaevqa saıasatta, Q.Satpaevqa ǵylymda, H.Naýryzbaevqa mádenıette jáne t.b.

Zeınetkerlikke shyqqan soń N.Ońdasynov Máskeýde turyp, ómiriniń sońyna deıin ǵylymmen aınalysty, lıngvıstıka men shyǵystaný salasynda on tomdyq ǵylymı eńbekter jazdy.

Fılmniń tusaýkeserine Nurtas Ońdasynovtyń týystary, Eńbek ardagerleri jáne Ońtústik Qazaqstannyń jastary qatysty.