Shymkentte «Nur Otan» partııasy fılıalynyń konferentsııasy ótti

ShYMKENT. QazAqparat - Búgin Shymkentte «Nur Otan» partııasy fılıalynyń kezekten tys HHHVІІ konferentsııasy ótti. Alqaly jıynǵa qala basshylary men máslıhat hatshysy, saıası keńes músheleri men máslıhat depýtattary, memlekettik organ basshylary men aýdannan saılanǵan delegattar jáne buqaralyq aqparat quraldary ókilderi qatysty, dep habarlaıdy QazAqparat tilshisi.

Konferentsııada qala ákiminiń orynbasary Gúljan Qurmanbekova sóz sóılep, «Nur Otan» partııasynyń «Qutty meken» jobasy aıasynda atqarylyp jatqan jumystar barysyn baıandady. Onyń aıtýynsha, atalǵan joba aıasynda shaharda 6 513 páterli 132 kóp qabatty turǵyn úıdiń qurylysy júrgizilýde.

«Onyń ishinde bıýdjet qarjysy esebinen 3130 páterli 51 turǵyn úı bar. Bıylǵy jyly 898 páterli 16 arendalyq jáne 656 páterli 11 kredıttik turǵyn úıdi paıdalanýǵa berýge josparlanýda (qalǵan 3 383 páterli 81 úıdiń, 1919 páteri 49 úı jeke salýshylar esebinen, ÁKK arqyly 1016 páterli 24 úı, MJÁ arqyly 448 páterli 8 úı). Búgingi kúnge 540 páterli 10 turǵyn úıdiń qurylysy daıyn, mamyr aıynda beriledi. Onyń ishinde 177-i páteri kópbalaly analarǵa beriledi. Nátıjesinde bıylǵy jyly 1368 áleýmettik jaǵynan álsiz sanattaǵy jáne jas otbasylar (342 páter) baspanaly bolady»,- dedi Gúljan Qurmanbekova. Qala ákiminiń orynbasary sondaı-aq partııalyqtarǵa «Nur Otan» partııasy Tóraǵasy N.Á.Nazarbaevtyń partııanyń 18 sezinde bergen tapsyrmalary- «Halyqqa kómek», «Baqytty otbasy» jobalardy júzege asyrý barysy týraly esep berdi.

«Baqytty otbasy» jobasy aıasynda qalamyzda aýqymdy jumystar atqarylýda. Memlekettik ataýly áleýmettik kómek mólsheriniń ózgerýine baılanysty, qalamyzda kómek alýshylar sany 10 myńnan 20 myń otbasynan asady dep kútilýde. 1-shi sáýirden bastap búgingi kúnge 32 559 azamatqa túsindirý jumystary júrgizilip, onyń ishinde 17 582 otbasynyń ótinishi tirkeldi. Sondaı-aq, qala turǵyndarynyń áleýmettik kartasyn jasaqtaý jumystary júrgizilýde, búgingi kúnge «e-Halyq» aqparattyq júıesine 21 081 otbasy (75 725 adam) endi. Halyqty áýre-sarsańǵa salmaı yńǵaıly qyzmet kórsetý úshin aýdan ákimdikterinde, halyqqa qyzmet kórsetý ortalyqtarynda barlyǵy 9 jerde jumyspen qamtý ortalyǵynyń bólimsheleri ashyldy. Ol jerlerde halyqty qabyldaýǵa tıisti jaǵdaılar jasaldy, atap aıtqanda: kóp balaly analarǵa psıhologııalyq jáne quqyqtyq, turǵyn úı jáne áleýmettik tólemder boıynsha qyzmet kórsetiledi», - dedi Gúljan Qurmanbekova.

Konferentsııada budan ózge zeınetker, partııa ardageri Valerıı Gordıenko men Shymkent qalasy № 49 jalpy orta mektebiniń dırektory, kópbalaly ana Sáýle Ótebaeva, Shymkent qalalyq №17 fýtboldan olımpıada rezerviniń mamandandyrylǵan balalar men jasóspirimder sport mektebiniń dırektory Ermek Dármenovtar da sóz sóılep, óz pikirlerin ortaǵa saldy. Partııalyq jobalardy iske asyrý boıynsha usynystaryn aıtyp ótti.