Shymkentte munaı zaýytynyń 96 jumysshysy koronavırýs juqtyrdy

ShYMKENT. QazAqparat – Shymkenttegi munaı óńdeý zaýytynyń jumysshylary jappaı koronavırýs juqtyrǵan. Bul týraly búgin qalanyń bas sanıtar dárigeri Ábdimanap Tólebaev aıtty, habarlaıdy QazAqparat tilshisi.

Qalanyń bas sanıtarynyń aıtýynsha «PetroQazaqstan Oıl Prodakts» kompanııasynda qaýipti indet taralý jaǵdaıy 7 mamyrdan bastap anyqtalǵan.

Bul rette kompanııanyń 654 qyzmetkeri josparly testileýden ótkizilip, nátıjesinde 137 jaǵdaı anyqtaldy.

«7 mamyr kúni osy zaýyttyń eki jumysshysy naýqastanyp, juqpaly aýrýlar aýrýhanasyna túsken. Olardan alynǵan synama qortyndysy koronovırýs juqtyrǵanyn rastaǵan. Petro Kazahstan» JShS-niń aýmaǵynda skrınıng tekserýler júrgizilip, 137 jaǵdaı anyqtalǵan. Onyń ishinde 96 seriktestik qyzmetkerleri, 12 qosalqy mekeme qyzmetkerleri arasynda bolsa, 29-y jaqyn qarym qatynasta bolǵan azamattar», - dedi Ábdimanap Tólebaev.

Al, qala ákiminiń birinshi orynbasary Erbol Sadyr zaýyt jumysy týraly aıtty aıtty.

«Munaı óńdeý zaýytyna qarasty jataqhana karantınge jabyldy. Qaýipti indet anyqtalǵan adamdardyń barlyǵy qalalyq juqpaly aýrýlar aýrýhanasyna, karantındik statsıonarlarǵa jatqyzyldy. Zaýyttyń jumysy qazirgi kezde qalypty jaǵdaıda istep tur. Oǵan basqa jumysshylar qosymsha tartyldy»,- dedi Erbol Sadyr.