Shymkentte «Meıirimdilik — júrekten» atty qaıyrymdylyq sharasy ótti
Qaıyrymdylyqty dáripteıtin jıynda qaladaǵy iri kásiporyndar demeýshilik tanytyp, áleýmettik jaǵynan muqtaj jandarǵa jan-jaqty qoldaý bildirdi. Atalǵan sharany uıymdastyrýshylar «Kórme ortalyǵynda» búginge deıin 40-tan astam qaıyrymdylyq aktsııasy ótkizilgenin aıtady. Jany jomart jandar turmystyq jaǵdaıy tómen otbasylarǵa qarjylaı kómek berip, azyq-túlik pen kıim-keshekter taratqan.
«Búgingi is-shara jyl boıy atqyrylǵan jumystyń qorytyndysy ispettes. Jyl boıy jospar boıynsha 32 is-shara bekitilgen bolsa, ártúrli jaǵdaılarǵa baılanysty qaıyrymdylyq jasaýǵa úgitteıtin jıyndardy qosqanda 40-tan astam is-shara uıymdastyryp otyrmyz. Osy ýaqyt aralyǵynda shahardaǵy iri kásiporyn ıelerimen tyǵyz qarym-qatynasta jumys istedik. Nátıjesinde kómekke zárý otbasylar men ómirdiń qıyn jaǵdaıyna tap bolǵan azamattar demeýshiler tarapynan qoldaý tapty», - deıdi «Kórme ortalyǵynyń» dırektory Zýhra Qarabekova.