Shymkentte merdiger úlesker qarjysyna salynǵan úılerdi satpaq bolǵan

ShYMKENT. QazAqparat - Shymkentte kópqabatty turǵyn úılerdiń qurylysyna úleskerlerdiń aqshasyn zańsyz tartqan merdigerler jazalandy. Mundaı zańbuzýshylyqtar qalalyq prokýratýra qyzmetkerleriniń Krisha.kz áleýmettik jelisine taldaý júrgizýi kezinde anyqtalǵan, dep habarlaıdy QazAqparat tilshisi.

Qalalyq prokýratýranyń málimetinshe, azamattardyń múliktik quqyqtarynyń buzylýyna jol bermeý maqsatynda 2021-2022 jyldary kóppáterli turǵyn úılerdiń qurylysyna qatysty tekserý júrgizilgen. Nátıjesinde úleskerlerdiń aqsha qarajatyn zańsyz tartýdyń 17 faktisi tirkelgen. Merdigerler tipti salynyp bitpegen baspanalardy satýǵa tyrysqan. Prokýrorlyq aktilerimen 14 merdigerdi QR ÁQBtK-niń 320-babymen ákimshilik jaýaptylyqqa tartý úshin materıaldar sotqa joldanǵan. Qalǵan 3 merdigerge qatysty materıaldar jınaqtalýda.

«Búgingi kúnge «Capital avenue» JShS, «Capital» TÚK, «BekStroıServıs» JShS, «Tartý» TÚK, «Kerege Group Constraction» JShS, «Alim» TÚK sııaqty 12 merdiger ákimshilik jaýaptylyqqa tartyldy. Árqaısysyna 210 AEK mólsherinde aıyppul salynǵan. Al, 2 ákimshilik quqyq buzýshylyq týraly hattama sotta qaralýda» delingen qalalyq prokýratýra taratqan habarlamada.

Budan bólek qadaǵalaýshy organ ókilderi men ákimdik tarapynan aldaǵy ýaqytta uqsas zań buzýshylyqtarǵa jol bermeýge baǵyttalǵan jańa is-sharalar jospary bekitilmek.