Shymkentte makýlatýra óndeıtin jeke tseh órtendi

ShYMKENT. QazAqparat – Shymkentte ishinde 3 tonna makýlatýra bar jeke tseh órtendi, dep habarlaıdy QazAqparat qalalyq TJD-niń qoǵammen baılanys tobyna silteme jasap.

15 qańtarda saǵat 10:47-de «101» basqarý pýltine Eńbekshi aýdany Qapal batyr kóshesindegi órt týraly aqparat túsken.

Alǵashqy bólimsheler qyzmetkerleri oqıǵa ornyna jetip, órt «Ońtústik» ındýstrııalyq aımaǵyndaǵy makýlatýra óndeıtin «Býmprom» JShS aýmaǵynda shyqqanyn anyqtady.

Aldyn ala málimetter boıynsha jalpy aýdany 60h20 sharshy metr bolatyn jeke tseh janǵan. Ǵımarat bir qabatty, avtonomdy jylytý júıesi bar. Іshinde 3 tonna makýlatýra bolǵan. Karton qaldyqtary janǵan. Órttiń aýdany – 200 sharshy metr. Jaraqattanǵandar, qaza tapqandar joq.

Órt saǵat 12:37-de oqshaýlanyp, saǵat 13:18-de sóndirildi.

Órtti sóndirýge Shymkent qalasy TJD Órt sóndirý jáne avarııalyq-qutqarý jumystary qyzmetiniń jeke quramynan 52 adam men 14 tehnıka jumyldyryldy.

Foto: QR TJM baspasóz qyzmeti