Shymkentte kúzetshilerge til tıgizgen «prokýrordyń áıeli» jaýapqa tartylady

ShYMKENT. QazAqparat - Áleýmettik jelide ózin «Qyzylorda oblysy prokýrorynyń áıelimin» dep tanystyryp, kúzetshilerge qoqan-loqy kórsetken kelinshektiń kim ekeni anyqtaldy, dep habarlaıdy QazAqparat tilshisi.

Atalǵan jaıt boıynsha Shymkent qalasy Ál-Farabı aýdany polıtsııa basqarmasyna jeke seriktestiktiń kúzet qyzmetkeri shaǵym túsirgen.

15 shilde kúni saǵat 14:00 shamasynda ǵımaratqa kelgen jas áıel kúzetshilerge dóreki sózder aıtyp, balaǵattaǵany úshin jaýapkershilikke tartý týraly ótinish jazǵan.

«Ál-Farabı aýdandyq polıtsııa bóasqarmasynyń qyzmetkerleri áıeldiń jeke basyn anyqtady. Ol 1984 jyly týǵan jergilikti turǵyn, buryn azamat D-men turmysta bolǵan (prokýratýra qyzmetkeri emes).

Qazirgi ýaqytta azamatsha resmı túrde eshkimmen nekede turmaıdy. Sońǵyǵa qatysty ÁQBtK-niń 434-baby boıynsha ákimshilik jaýapkershilikke tartý boıynsha sharalar qabyldanýda» delingen Shymkent qalasy polıtsııa departamentiniń baspasóz qyzmeti taratqan habarlamada.