Shymkentte kúıeýi úsh ret pyshaqtaǵan áıel arasha surady

ShYMKENT. QazAqparat - Shymkentte «Nur Otan» partııasy Ońtústik Qazaqstan oblystyq fılıalynyń qoǵamdyq qabyldaýy ótti. Partııaǵa kómek surap kelgen júkti áıel kúıeýi aýyr dene jaraqatyn salsa da, jazasyz qalyp keletinin aıtty, dep habarlaıdy QazAqparat HAA tilshisi.

Shymkenttik kelinshek Laýra Sarıeva úıdegi otaǵasynyń ózin úshi ret pyshaqtaǵanyn aıtady. Soǵan qaramastan Qarataý aýdandyq polıtsııa bólimi qyzmetkerleri onyń aryzyna nemquraıdy qarap, arasha túspepti. Qaıta qylmystyq isti qaıta jaýyp tastady dep otyr.

«Úshinshi qylmys podezymnyń aldynda boldy. Kúıeýim meni tunshyqtyryp, bir qujattarǵa qol qoıdyryp aldy. Sol jaǵdaıdan keıin jaǵdaıym nasharlap, meni jedel járdem  aýrýhanaǵa alyp ketti. Іshimdegi balama ottegi jetpeıdi dep. Іshki ister qyzmetkerlerinen quralǵan jedel top saǵat 14.30-da keldi. Qalaı olar jedel top bolyp jumys isteıdi, eger sol ýaqytta ustamasa. Úsh qylmysta da jumys istegen joq», - dedi Laýra Sarıeva.

Kóshbasshy partııanyń kezekti qabyldaýyna kelgen ózge de toǵyz  azamattyń aryzy tyńdaldy. Onyń 6-aýy ishki ister organdary qyzmetkerlerine qatysty shaǵym bolsa, qalǵany sot sheshiminiń oryndalmaýyna baılanysty boldy. Azamattar ishki ister qyzmetkerleriniń jumystaǵy salǵyrttyǵyna ashyna aıtty.

Turǵyndardyń talap-tilegin tyńdaǵan partııanyń OQO fılıaly tóraǵasynyń birinshi orynbasary Nurmahan Joldasov quzyrly organ ókilderine aıtylǵan máselelerdi tekserip kórý qajettigin atap ótti.

«Kinálilerdi baqylaýǵa alyp, máseleniń bárin sheshý kerek. Óıtkeni, ony bulaı jibere berýge bolmaıdy. Oblys kóleminde mundaı jaǵdaılar óte kóp. Biraq bireýler shaǵymdana alady, bireýler aıta almaıdy», - dedi Nurmahan Joldasov.