Shymkentte kópbalaly áke kópirden sekirmek boldy
Óz-ózine qol salýǵa oqtalǵan er adamnyń áreketi Shymkent qalalyq Polıtsııa departamenti Jedel basqarý ortalyǵynyń beınebaqylaý kameralaryna túsip qalǵan.
Er adam Rysqulov - Qonaev kósheleriniń qıylysyndaǵy kópirden sekirmek bolǵanyn baıqaǵan tártip saqshylary birden patrýldik polıtsııa polkiniń jaqyn mańdaǵy ekıpajyna habar bergen. Kezekshi ınspektorlar oqıǵa ornyna 3 mınýtta jetken. Polıtsııa maıory Erlan Aınamqulov pen Nurmahan Qospanov er adamnyń nazaryn aýdaryp, sózge tartqan. Keıin qolaıly sát týyndaǵanda onyń qolynan ustap, qaýipsiz jerge alyp shyqqan.
«Bolǵan oqıǵa polıtsııa qyzmetkerleriniń beıneojetondaryna jazylǵan. Kópbalaly áke otbasyndaǵy keleńsizdikterge baılanysty óz-ózine qol salmaq bolǵan. Qazir onyń ómiri men densaýlyǵyna eshqandaı qaýip tónip turǵan joq», - delingen Shymkent qalasy Polıtsııa departamentiniń baspasóz qyzmeti taratqan habarlamada.