Shymkentte kommýnaldyq qyzmet tarıfteri qaıta qaralmaq

ShYMKENT. QazAqparat - Shymkentte kommýnaldyq qyzmetterdiń tarıfteri jyl sońyna deıin qaıta qaralady. Bul týraly búgin qala ákimdiginde ótken jınalysta sóz boldy, dep habarlaıdy QazAqparat tilshisi.

Basqosýda qala basshysy Ǵabıdýlla Ábdirahymov monopolısterdi Memleket basshysynyń tapsyrmasyna sáıkes tarıfterdi tómendetýge shaqyrdy.

Al, monopolııaǵa qarsy vedomstvo dırektory qazir monopolısterdiń barlyq tarıfterdi qaıta qaraýmen aınalysyp jatqanyn ári alǵashqy oń nátıjeler de bar ekenin atap ótti.

Máselen, monopolıstiń ótinimine qaramastan, jylý tarıfi ózgerissiz qalǵan. Energetıkter bolsa  sońǵy tarıfke satyp alý quny áser etetinin aıtady. Eger bul másele  qaıta qaralatyn bolsa, onda túpkilikti tutynýshy úshin elektr energııasynyń tarıfin de qaraý kerek bolady. Mundaı pikirdi gazben qamtamasyz etýshi uıymnyń basshysy da ustanýda. Jaryq berýshi mekeme mamandarynyń aıtýynsha, elektr energııasyna tarıftiń el paıyzyn satyp alý baǵasy quraıdy. Gazǵa keletin bolsaq, tarıf boıynsha 1 tekshe metr úshin 34,4 teńge,  satyp alý quny 24, 245 teńgeni quraıdy. Óz kezeginde sý sharýashylyǵy kompanııasynyń basshysy Anarbek Orman sýdyń eń joǵary tarıfi  Shymkentte ekendigimen kelisedi. Ol Memleket basshysynyń pikirin eskere otyryp, tarıfti qaıta qaraýǵa daıyn ekendigin habarlady.

Jıynda Shymkent qalasynyń ákimi  monopolısterge Memleket basshysynyń qazaqstandyqtardyń ál-aýqatyn arttyrý jónindegi ıdeıalaryn qoldaýǵa ázir ekendigin eskerip, alǵys bildirdi. 

Monopolısterdi  shymkenttik kásipkerler jasaǵan jáne josparlap otyrǵan qyzmetkerlerdiń jalaqysyn arttyrýǵa shaqyrdy. Shahar basshysy sondaı-aq, jol aqysy baǵasynyń  jolaýshylar tasymalynyń naqty shyǵynynan áldeqaıda tómen ekenin, degenmen shym qalada  jol júrý tarıfi kóterilmeıtinin atap ótti. Ákimniń aıtýynsha,  bul baǵytta eki máseleniń  birin paıdalanýdy josparlap otyr. Birinshisi-dotatsııa, ekinshisi - Shymkent turǵyndarynyń áleýmettik kartasy bolmaq.