Shymkentte kóliginiń aldyńǵy áınegin qarańǵylaǵan júrgizýshi jazalandy
19:04, 16 Mamyr 2021
ShYMKENT. QazAqparat – Shymkentte jol qaýipsizdigin qamtamasyz etý boıynsha aldyn alý sharalarynda patrýldik polıtsııa aldyńǵy áınegi qarańǵylanǵan Toyota Camry avtokóligin anyqtady, dep habarlaıdy QazAqparat Shymkenttiń polıtsııa departamentine silteme jasap.
Avtokólik ıesine qatysty QR ÁQBtK 590-babynyń 5-bóligi (tehnıkalyq reglamentterdiń, ulttyq standarttardyń talaptaryna saı kelmeıtin, sondaı-aq paıdalanýǵa tyıym salynatyn aqaýlary men jaǵdaılar bar kólik quraldaryn basqarý) boıynsha ákimshilik hattama toltyrylǵan.
Tártip saqshylary jol-kólik oqıǵalarynyń kópshiligi kórinýdiń nasharlyǵynan bolatynyn eske salady jáne júrgizýshilerdi kólik áınekteriniń jaryq ótkizý normalaryn buzbaýǵa shaqyrady.