Shymkentte kóktemgi áskerge shaqyrý naýqany jyldaǵydan erte bastaldy
Osyǵan oraı Shymkentte ásker qataryna alynatyn azamattarǵa qorǵanys basqarmasy tarapynan shaqyrtýlar berilip jatyr, dep habarlaıdy QazAqparat HAA tilshisi.
Shymkent qalalyq qorǵanys basqarmasy 400-ge jýyq azamatty ásker qataryna attandyrmaq. Áskerge shaqyrylǵandar sondaı-aq 14 túrli medıtsınalyq tekserýden ótip jatyr. Dese de mamandar bıyl bolashaq sarbazdardy irikteý barysynda salmaqqa baılanysty túıtkilder kóbeıgenin aıtady. Biriniń salmaǵy az bolsa, endi biri artyq salmaqtan zardap shegedi eken.
«Jalpy alatyn bolsaq, kózdiń nashar kórýi, aıaqtyń jalpaqtabandyǵy kóp kezdesip jatyr. Tepse temir úzetin jigitterdiń ishinde júrek-qantamyr aýrýlaryna shaldyqqandar da jeterlik. Onyń barlyǵyn biz tekserip jatyrmyz»,- deıdi dáriger Kúlánda Qylyshbaeva.
Ótken aptada bastalǵan jumys endi maýsym aıyna deıin jalǵasady dep kútilýde.