Shymkentte «Kók týdyń jelbiregeni» patrıottyq aktsııasy qorytyndylandy

ShYMKENT. QazAqparat – Shymkentte «Kók týdyń jelbiregeni» atty patrıottyq aktsııa qorytyndylandy. Áleýmettik jelilerde qoldaý tapqan sharany belgili qoǵam belsendisi, jýrnalıst Beısenkúl Narymbetova basshylyq etken «Serpilis» qoǵamdyq birlestigi uıymdastyrǵan bolatyn, dep habarlaıdy QazAqparat tilshisi.

Osymen ekinshi jyl uıymdastyrylyp kele jatqan aktsııa qala turǵyndarynyń memlekettik rámiz arqyly patrıottyq sezimin asqaqtatyp, jurtshylyq arasynda úlken qoldaýǵa ıe boldy. Bıyl aktsııanyń aýqymy keńeıip, Qaraǵandy, Pavlodar, Taraz, Qyzylorda sekildi elimizdiń ózge óńir turǵyndary Kók baıraqpen sýretke túsip, aktsııaǵa ún qosty, áleýmettik jelilerde chellendj uıymdastyrdy.

Aktsııanyń qorytyndysyna oraı Shymkent qalasyndaǵy Jastar resýrstyq ortalyǵynda «Táýelsizdikpen dıalog» marapattaý rásimi ótti. Atalǵan sharada sóz alǵan qalalyq Іshki saıasat jáne Jastar isteri jónindegi basqarmanyń basshysy Janar Bektaeva barshany Táýelsizdik merekesimen quttyqtap, izgi tilegin joldady. Al, aktsııaǵa qatysýshylarǵa Memlekettik týymyz tartý etildi. Kók týdy syıǵa alǵan alǵashqy ujymnyń biri - Shymkent qalasy Іshki saıasat jáne Jastar isteri jónindegi basqarmasy «Rýhanı jańǵyrý» bólimi boldy. Ujym «Kók týdyń jelbiregeni» aktsııasyn «Ulttyq úrdiste kıineıik» chellendjimen úndestirdi. Shara barysynda Baqtııar Taıjan, Áset Ássandı, Abaı Qalshabek, Erbol Daırashev bastaǵan aǵa býyn ókilderi jastarǵa Týdy tabystady. Jastar syıǵa alǵan kók baıraqty búgin qalamyzdaǵy kópqabatty úılerdiń qasbetine iletin boldy.