Shymkentte qoǵamdyq kelisim keńesiniń tıimdiligin arttyrý jaıy talqylandy
Qarataý jáne ál-Farabı aýdandarynda uıymdastyrylǵan praktıkalyq semınarǵa qalalyq QHA tóraǵasynyń orynbasary M.Qalmuratov, «Qoǵamdyq kelisim» mekemesiniń basshysy E.Baıqonaqov jáne aýdan ákimdikteriniń jaýapty qyzmetkerleri men keńes músheleri qatysty.
Keńes barysynda qoǵamdyq kelisimdi saqtaý arqyly el birligin bekemdeýdi kózdeıtin keńestiń fýnktsııalary men jumys baǵyty, mindetteri jan-jaqty saralandy. Aldaǵy ýaqytta atqarylatyn jumys jaıy talqylandy. Jalpyulttyq birlik salasyndaǵy memlekettik saıasat taqyryptarynda sóz sóılegen spıkerler keńesterdiń qyzmetin qorytyndylap, úzdik tájirıbelerdi aýdandyq keńester deńgeıinde qoldanysqa engizý boıynsha pikir almasty.
Aıta keteıik, ótken jyly qalalyq QHA janynan konsýltatıvti-keńesshi organ retinde qurylǵan keńesterdiń quramyna júzge tarta belsendi turǵyndar múshelikke qabyldanǵan bolatyn. Olardyń qatarynda elge tanymal aqsaqaldar men kásipkerler, etnos kóshbasshylary men máslıhat depýtattary jáne basqalar bar.
Búginge deıin keńes otyrystarynda qurylys salasynda bıýdjetti tıimdi paıdalaný, medıatorlardyń jumysyn júıelendirý, qaladaǵy turǵyn úı qurylysy, Arys qalasy turǵyndaryna kómek berý maqsatynda QHA janynan qurylǵan shtabtyń qyzmeti, qala syrtyndaǵy turǵyn alaptarda kórsetiletin medıtsınalyq qyzmettiń deńgeıi men sapasy syndy máseleler qaraldy.
Keńes músheleri memlekettik saıasatty túsindirý jáne jańa áleýmettik saıasat sheńberinde 135 kezdesý ótkizip, etnostar turatyn shaǵynaýdandar men turǵyn alaptarda maqsatty jumystar júrgizdi.