Shymkentte QIK páterlerine qujat qabyldaý bastalady

ShYMKENT. QazAqparat - Ońtústik Qazaqstan oblysy ortalyǵynda «Qazaqstan Ipotekalyq Kompanııasy» arqyly beriletin páterlerge qujat qabyldaý bastalady. Bul týraly qala ákimdiginiń saıty habarlady.

«QIK» AQ-y baǵyty boıynsha qatysý úshin jergilikti atqarýshy organda kezekte turý jáne tómendegi sanattarǵa jatý qajet: kóp balaly otbasylar; tolyq emes otbasylar; múgedek balalary bar nemese tárbıelep otyrǵan otbasylar; jetim balalar, ata-anasynyń qamqorlyǵynsyz qalǵan balalar; oralmandar; memlekettik, áskerı qyzmetshiler, arnaýly memlekettik organdardyń, bıýdjettik uıymdardyń qyzmetkerleri.

 «2016 jyldyń 3 qazanynan 7 qazany aralyǵynda «QIK AQ» baǵyty boıynsha Shymkent qalasy, Tólemetov kóshesindegi   tapsyrylatyn 7 qabatty 2 turǵyn úı 96 páterge ótinishter qabyldanady. Ótinishterdiń «E-gov» portalyna tirkelýin  ETsQ kilti arqyly árbir qatysýshy ózi qamtamasyz etedi», delingen habarlamada.                                                     

Osyǵan deıingi KIK baǵyty boıynsha qujattaryn tapsyrǵan, biraq turǵyn úımen qamtylmaǵan azamattar qaıtadan ótinishter men qujattaryn «E-gov» portaly  arqyly  tapsyrýy qajet.

Ótinishter men qujattardyń  elektrondy túrde tapsyrylýy boıynsha keńes berý halyqqa qyzmet kórsetý ortalyqtaryndaǵy «E-gov» pýnkterinde jáne Shymkent qalalyq turǵyn úı qatynastary bólimi (Jeltoqsan kósh., 18, kab. 203 ) arqyly júrgiziledi.

 «Qazaqstan Ipotekalyq Kompanııasy» arqyly beriletin páterlerdiń sıpattamasy - Shymkent qalasy, Tólemetov kóshesi - 7 qabatty, 2 turǵyn úı (96 páter):

- 1-bólmeli - 24 dana, páterdiń jalpy alańy 32,0 sharshy metr;

- 2-bólmeli - 48 dana, páterdiń jalpy alańy 45,0 sharshy metr;

- 3-bólmeli - 24 dana, páterdiń jalpy alańy 55,0 sharshy metr.

Páterler satyp alý quqyǵymen 20 jylǵa jalǵa beriledi. 1 sharshy metrdiń 1 aıǵa jalǵa berý quny 924 teńgeni quraıdy.