Shymkentte qasıetti ramazan aıynda 90 otbasyǵa tegin azyq-túlik taratyldy

ShYMKENT. QazAqparat - Shymkentte qasıetti ramazan aıynda «Halifa al-Nahaian Aqmeshiti» ortalyq bas meshitinde 90 otbasyǵa azyq-túlik taratylyp, qarjylaı kómek berildi. Qaıyrymdylyq sharasy QMDB-nyń Shymkent qalasy boıynsha ókildigine qarasty «Zeket» qory jáne Kýveıt memleketiniń «Dúnıejúzilik qaıyrymdylyq qory» Qazaqstandaǵy ókildiginiń uıymdastyrýymen ótti, dep habarlaıdy QazAqparat tilshisi.

Áleýmettik jaǵynan az qamtylǵan jáne turmysy tómen otbasylardyń basyn qosqan sharada Kýveıttiń «Dúnıejúzilik qaıyrymdylyq qorynyń» Qazaqstandaǵy ókili, doktor ıAsır Mýhammad Alı myrza men QMDB-nyń Shymkent qalasy boıynsha ókil ımamy Baqtybaı qajy Beısenbaev quttyqtaý sóz sóılep, jyly lebiz bildirdi.

Olardyń sózinshe, qala boıynsha 5500-den astam jaǵdaıy tómen, kópbalaly, múmkindigi shekteýli azamat tirkelgen. Sol azamattarǵa bir aı boıy kezegimen qaıyrymdylyq kómek kórsetiletin bolady. Sonyń alǵashqy bastamasy retinde 90 otbasyǵa qurma, et, un syndy eń qajetti tegin azyq-túlik berildi.