Shymkentte karantındik shekteý jeńildedi

ShYMKENT. QazAqparat - Shymkent qalasynyń Bas memlekettik sanıtarııalyq dárigeriniń 2022 jylǵy 19 aqpandaǵy № 7 «Shymkent qalasynyń aýmaǵynda koronavırýs ınfektsııanyń taralýyn aldyn alý boıynsha shekteý sharalaryn jeńildetý týraly» qaýlysy shyqty, dep habarlaıdy QazAqparat tilshisi.

Qaýlyǵa sáıkes, áleýmettik-ekonomıkalyq obektilerdiń jumysyna shekteý qoıylmaıdy.

Tek, medıtsınalyq ortalyqtar, kabınetter, stomatologııa kabınetteri aldyn ala jazylý boıynsha qyzmet kórsetedi. Sondaı-aq, qarbalas saǵattarda avtobýstar sanyn kóbeıtý, barlyq esikterdi ashý, otyratyn oryndar sany boıynsha toltyrylý qajet. Uıymdar men keńselerge COVID-19-ǵa qarsy vaktsınatsııalaýdyń tolyq kýrsyn alǵan jáne sońǵy 3 aı ishinde COVID-19-ben aýyryp jazylǵan barlyq qyzmetkerlerdiń kúndizgi rejımde (jumys ornynda) jumys isteýine jol beriledi.
Ónerkásip, kommýnaldyq tele-radıo kommýnıkatsııalyq jáne baılanys qyzmeti, qurylys, aýyl jáne balyq sharýashylyǵy, mal sharýashylyǵy, baılanyssyz qyzmetter men týrıstik kompanııalar, bıznes ortalyqtary men medıtsınalyq uıymdar, mýzeıler men kitaphanalar, azyq-túlik dúkenderi men shaǵyn marketter qalypty jaǵdaıda qyzmet kórsetedi. Sondaı-aq, sulýlyq ortalyqtary men salondary, shashtarazdar, manıkıýr men pedıkıýr qyzmetteri, kosmetıkalyq jáne kosmetologııalyq qyzmet kórsetetin oryndar (aldyn ala jazylýmen), ashyq bazarlar (azyq-túlik, azyq-túlik emes), jármeńkelerde de qalypty rejım saqtalady.
«Ashyq» jobasyna qatysatyn áleýmettik-ekonomıkalyq obektilerdiń qyzmeti shekteýsiz júrgiziledi.
Saltanatty, otbasylyq, eske alý is-sharalardy (banketter, eske alý) ótkizý, konferentsııalar, forýmdar, adamdar kóp jınalatyn oıyn-saýyq jáne ózge de is-sharalar men kórmeler, marafondar ótkizý shekteýsiz júzege asyrylady. Sondaı-aq, olardyń qatarynda sport keshenderi men sporttyq saýyqtyrý ortalyqtary, oıyn klýbtary men túngi klýbtar, karaoke zaldary, saýda oryndary, bassender bar.