Shymkentte karantındik shekteý sharalaryna ózgerister engizildi

ShYMKENT. QazAqparat - Shymkent qalasynyń Bas memlekettik sanıtarııalyq dárigeri Ábdimanap Tólebaev jańa qaýlyǵa qol qoıdy, - dep habarlaıdy QazAqparat tilshisi.

Shymkent qalasynyń aýmaǵynda koronavırýstyq ınfektsııanyń taralýyn aldyn alý boıynsha shekteý sharalaryn jáne karantın rejımin uzartý týraly» Shymkent qalasynyń Bas memlekettik sanıtarııalyq dárigeriniń 2021 jyldyń 26 qazandaǵy № 33 qaýlysyna tómendegideı ózgerister men tolyqtyrýlar engizilgen.

Mádenıet obektileriniń jumys tártibi 50 adamǵa deıin, al, «Ashyq» jobasyna qatysatyn sýbektilerdiń jumys tártibine saıkes qyzmetkerler men kelýshilerde «jasyl mártebe» bolǵan jaǵdaıda qalypty rejımde júrgiziledi.

Al, teatrlar, kınoteatrlar, kontsert zaldary, fılarmonııalar, tsırkter jáne kompıýterlik klýbtar, playstation klýbtarynyń toltyrylýy 30%-dan aspaýy tıis. «Ashyq» jobasyna qatysatyn sýbektilerdiń jumys tártibine sáıkes qyzmetkerler men kelýshilerde «jasyl mártebe» bolǵan jaǵdaıda toltyrylýy 80%-dan aspaý qajet. Sonyń ishinde, kompıýterlik klýbtar, playstation klýbtaryna tek 12 jasqa tolǵan jáne odan asqan adamdarǵa qyzmet kórsetýge ruqsat.

Qaýlynyń talaptaryn, nysannyń menshik ıesine qaramastan, barlyq jeke jáne zańdy tulǵalardyń oryndaýy mindetti.