Shymkentte karantın shekteýleri jeńildedi

ShYMKENT. QazAqparat - Shymkent qalasynyń Bas sanıtarııalyq dárigeriniń karantın shekteýlerin jeńildetý týraly jańa qaýlysy shyqty, dep habarlaıdy QazAqparat tilshisi.

Qaýlyǵa sáıkes, Shymkent qalasynyń turǵyndaryna men qonaqtary medıtsınalyq uıymdarda, úı karantınindegi talaptardy saqtaý barysynda, penıtentsıarlyq (qylmystyq-atqarýshy) júıe mekemelerge jáne basqa nysandarǵa barǵanda betperde kııýi kerek.

Aıaldamalarda jáne qoǵamdyq kólikterde adamdardy shoǵyrlandyrmaý maqsatynda qarbalas sátte jelide kólik quraldarynyń (avtobýstardyń, shaǵyn avtobýstardyń) sany kóbeıtilip, qalǵan ýaqytta qozǵalystyń birkelki kestesi uıymdastyrylýy tıis.

2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý uıymdarynda oqytý QR BMSD №36 jáne QR BMSD №18 qaýlylaryna sáıkes qamtamasyz etilýi kerek.

QR BMSD №14 qaýlysyna saı, obektilerde «Ashyq» jobasyn paıdalaný qyzmetin shektemeı, sýbektiniń sheshimi boıynsha erikti túrde júzege asyrylýy múmkin.

Shymkent qalasynyń aýmaǵynda, móltek aýdandardyń, turǵyn úı alaptarynyń, kóp qabatty turǵyn úılerdiń, uıymdardyń aýmaǵynda jáne qoqysqa arnalǵan alańshalar josparly túrde únemi tazartylyp, turmystyq qaldyqtar men qoqystar shyǵarylýy qajet. Sondaı-aq, qoqysqa arnalǵan konteınerlerdi tazartyp, dezınfektsııalaý men jýý júrgizilýi mindetti.