Shymkentte kanaldan eki búldirshinniń máıiti tabyldy
15:08, 08 Tamyz 2023
ShYMKENT. QazAqparat- Shymkentte kanaldan ata-anasynyń qaraýynsyz qalǵan eki sábıdiń máıiti tabyldy, dep habarlaıdy QazAqparat tilshisi.
Qarataý aýdany Geologtar saıajaıyndaǵy kanal sýynan 2 jasar búldirshinniń máıiti tabyldy. Tereńdigi 50 sm, eni 1,5 metr bolatyn sýarý kanalyna túsken turǵyndar 2021 jyly týǵan balanyń denesin sýdan alyp shyqty.
Ekinshi jazataıym oqıǵa Abaı aýdanynyń Almaty tas joly boıynda bolǵan. Kósheden ótip bara jatqan adamdar qalalyq tazartý júıesinen bir jastaǵy qyzdyń máıitin kórip qalǵan. Tazartý júıesiniń tereńdigi 40 sm, eni 1 metrdi quraıdy.
«Eki jaǵdaıda da búldirshirder ata-anasynyń qaraýynsyz qalǵan. Sondyqtan ata- analardan balaryn qaraýsyz qaldyrmaýdy suranamyz!»-delingen Shymkent qalasy TJD qoǵammen baılanys toby taratqan aqparatta.