Shymkentte kámeletke tolmaǵan qyzdardy jezókshelikke tartqan jeńgetaılar ustaldy
«Stop-trafık» jedel-profılaktıkalyq is-sharasyn ótkizý barysynda qaladaǵy jaldamaly páterlerdiń birinen jezókshelikpen aınalysatyn jeńil júristi áıelder anyqtaldy. Olar Semeı, Qaraǵandy, Taraz, Atyraý jáne Shymkent qalalarynyń turǵyndary bolyp shyqty.
«Qyzylorda oblysynan kelgen úsh áıel jeńil júristi áıelderge qamqorlyq jasap, jezókshelikpen aınalysý úshin jaldamaly páterler taýyp berip otyrǵan. Sondaı-aq, bul iske Qazaqstannyń basqa da azamattaryn, onyń ishinde Shymkent qalasynyń kámelet jasqa tolmaǵan eki azamatshasyn qatystyrǵany anyqtaldy», - delingen qalalyq Polıtsııa departamenti taratqan habarlamady.
Qazirgi tańda úsh áıel qamaýǵa alyndy. Atalǵan jaıt QR QK-niń 308-baby «Jezókshelikpen aınalysýǵa tartý» jáne 309-baby «Jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq» boıynsha tirkelip, sotqa deıingi tergeý amaldary júrgizilýde.