Shymkentte qala tazalyǵyna úles qosqan turǵyndar marapattaldy

ShYMKENT. QazAqparat - Shymkentte tazalyqty dáripteıtin dástúrli «Taza qala» aktsııasynyń jeńimpazdary marapattaldy, dep habarlaıdy QazAqparat tilshisi.

Qala ákimi Erlan Aıtahanov merekelik sharada qalanyń tazalyǵyn saqtaýǵa úles qosqan turǵyndarǵa alǵysyn aıta otyryp, shahar turǵyndaryn TMD elderiniń mádenı astanasy atanýymen jáne aldaǵy kele jatqan Táýelsizdik merekesimen quttyqtady.

Aktsııa aıasynda «Úzdik kóshe», «Úzdik aýla» nomınatsııalary boıynsha Abaı, ál-Farabı, Eńbekshi jáne Qarataý aýdandarynyń turǵyndary júldeli oryndardy ıelenip, yntalandyrý syılyǵymen marapattaldy. Al Eńbekshi aýdany - jyldyń úzdik aýdany atandy. Sonymen qatar, qala tazalyǵyna belsene atsalysqan quqyq qorǵaý organdarynyń ókilderi baǵaly syılyqtarǵa ıe boldy.

Aıta keteıik, úsh aıǵa sozylǵan aktsııany Shymkent qalasy ishki saıasat jáne din isteri basqarmasynyń tapsyrysy boıynsha qalalyq «Azamattyq alıans» qaýymdastyǵy uıymdastyrǵan.