Shymkentte Іshki aýdıt qyzmetiniń basshysy men mekteptiń bólim meńgerýshisi para alǵan

ShYMKENT. QazAqparat - Shymkent qalasynyń birqatar laýazymdy tulǵalary sybaılas jemqorlyq qylmys jasaǵany úshin aıyptalyp otyr, dep habarlaıdy QazAqparat Sybaılas jemqorqyqqa qarsy is-qımal agenttigine silteme jasap.

Shymkent qalalyq sybaılas jemqorlyqqa qarsy qyzmeti sybaılas jemqorlyq qylmys jasady degen kúdik boıynsha birqatar laýazymdy tulǵalarǵa qatysty sotqa deıingi tergeýdi bastady.

Agenttik baspasóz qyzmetiniń málimetinshe, 2018-2019 jyldar aralyǵynda kolledjde júrgizilgen aýdıtorlyq tekserý boıynsha oń sheshim shyǵarǵany úshin qalalyq bilim basqarmasynyń «Mýzykalyq kolledj» MKQK dırektorynan 1,2 mln myń teńge somasynda para alǵany úshin qalalyq ákimdiktiń Іshki aýdıt qyzmetiniń basshysy áshkerelengen.

«Osyǵan uqsas qylmysty jasady dep qalalyq bilim basqarmasy basshysynyń orynbasarynyń mindetin atqarýshy kúdikke ilinip otyr, ol orta mekteptiń oqý bóliminiń meńgerýshisinen ony mektep dırektory laýazymyna taǵaıyndaýǵa test tapsyrýyna kómek kórsetkeni úshin 400 myń teńge somasynda aqshalaı qarajat alǵan», delingen habarlamada.

Atalǵan tulǵalar kinásin moıyndaǵany jáne keletini jóninde mindetteme alǵany úshin protsessýaldyq ustaý sharasy qoldanylmaǵan.

«Kúdiktilerge qatysty túpkilikti sheshimdi olardyń kinásiniń deńgeıin anyqtaý arqyly sot qabyldaıtyn bolady», delingen habarlamada.