Shymkentte HQKO-da 785 myńnan asa qyzmet elektrondy nusqada kórsetilgen
Qalalyq HQKO baspasóz qyzmetiniń málimetinshe, osy jyldyń aqpan aıynda ashylǵan tsıfrlyq ortalyqta ózine -ózi qyzmet kórsetý sektory jumys isteıdi. Azamattardyń tsıfrlyq saýattylyǵyn arttyrý maqsatynda front-ofıs qyzmetkerleri barlyq kelýshilerge oqý-úıretý kýrsyn ótkizedi. Qazirgi tańda elektrondy portal arqyly 455 elektrondyq qyzmetterge qol jetkizýge bolady. Al, «Connection point» (ózine-ózi qyzmet etý sektory) arqyly 497 754 myń keńes berilip, qyzmet kórsetilgen. Jańadan ashylǵan ózine ózi qyzmet kórsetý sektorlarynyń alańdarynda azamattar ınspektordy kútpeı-aq, óz betterimen elektrondyq qyzmetterdi paıdalanyp otyr. Osy júıe arqyly olar qozǵalmaıtyn múlikteriniń bar-joqtyǵy týraly jáne mekenjaı jónindegi, zeınetaqylardyń aýdarymy týraly anyqtamalardy alýda.
Ortalyq mamandarynyń sózinshe, elektrondy úkimet portaly arqyly kóptegen memlekettik qyzmetterdi jyldam ári sapaly alýǵa múmkindikter qarastyrylǵan. Bul elektrondy úkimet portalynyń birden bir jetistigi sanalady. Qyzmetti paıdalanýshylar HQKO júginbeı-aq óz betterimen náresteni balabaqsha kezegine qoıyp, ata-tegi men esimin ózgerýge ótinish bere alady. Jeke kásipkerligin tirkeı beredi. Sonymen qatar memlekettik baj, salyǵy, jol qozǵalysyn buzǵandyǵy úshin aıyppuldy, kommýnaldyq qyzmet aqysyn tóleýine jaǵdaı jasalǵan.
Ortalyqta sonymen qatar «Tsıfrlyq Qazaqstan» baǵdarlamasy aıasynda «Paper free» qyzmeti iske qosylǵan. Elektrondyq úkimet portalynda «Anyqtamasyz qyzmet» jep atalatyn qyzmettiń bul túri SMS-habarlama arqyly úshinshi tulǵalarǵa aqparattyq anyqtamalar usynýǵa múmkindik beredi. Ol úshin turǵyndar aldymen mobıldi azamattar bazasyna tirkelýi qajet. ıAǵnı óz telefon nómirin eGov.kz portalynyń Jeke kabınetinde tirkep, óziniń gadjetinde iske qosý júzege asyrýǵa bolady.