Shymkentte esirtki zattaryn taratýmen aınalysqan 5 kúdikti ustaldy
11:23, 23 Shilde 2021
ShYMKENT. QazAqparat - Shymkentte «sıntetıkalyq» esirtki zattaryn taratýmen aınalysqan bes kúdikti qolǵa tústi, dep habarlaıdy QazAqparat Polisia.kz-ke silteme jasap.
Shymkent qalalyq PD Esirtki qylmysyna qarsy is-qımyl basqarmasynyń qyzmetkerleri «Qarasora-2021» jedel-profılaktıkalyq is-sharasy barysynda sıntetıkalyq esirtki zattaryn taratýmen aınalysqan bes kúdiktini ustap, polıtsııa bólimine jetkizdi. Kúdiktiler jalǵa páter alyp, onda esirtki zattaryn aldyn ala bólshekteý arqyly satýǵa daıarlap, túngi ýaqytta qala aýmaǵyndaǵy jasyryn oryndarǵa tyǵyp júrgen. Esirtkini qaldyrǵan oryndar týraly olar áleýmettik jelidegi esirtki saýdasyna arnalǵan paraqshada aqparat berip, aqshalaı qarajat alyp otyrǵan.