Shymkentte emhana qyzmetkerleri jalǵyzbasty anaǵa qarjylaı kómek kórsetti

ShYMKENT. QazAqparat – Shymkent qalalyq №4 emhananyń qyzmetkerleri jalǵyzbasty ári kópbalaly anaǵa kómek kórsetti. Úsh birdeı balasy múmkindigi shekteýli anaǵa qarjylaı qoldaý bildirip, qaıyrymdylyq jasady, dep habarlaıdy QazAqparat tilshisi.

Aıta keteıik, qarjylaı kómek alǵan kelinshektiń tórt balasy bar. Jastaıynan taǵdyr taýqymetin tartqan ananyń úsh balasy múgedektigine baılanysty tirkeýge alynǵan. Óz kezeginde emhana ujymynan qarjylaı kómek alǵan ana kózine jas alyp, qaıyrymdylyq jasaǵan aq halatty abzal jandarǵa alǵysyn aıtty.

«Kóp raqmet sizderge. Bul jaǵdaı júregimdi aýyrtyp jiberdi. Bul ómirde qaıyrymdy jandar kóp, bilemin. Barlyǵyńyzǵa alǵysym sheksiz» -deıdi tórt balanyń anasy.

Aıta keteıik, shaharda «Shymkent – qaıyrymdy qala» aktsııasy aıasynda turmysy tómen jáne muqtaj otbasylarǵa qaıyrymdylyq sharalary kórsetilip, azyq-túlik pen kıim-keshek taratylyp jatyr.