Shymkentte ekstremıstik baǵyttaǵy materıaldardy taratqan turǵyn ustaldy
Shymkent qalasy polıtsııa departamentiniń ekstremızmge qarsy is-qımyl basqarmasy qyzmetkerleri júrgizgen jedel-izdestirý is-sharalary nátıjesinde kúdikti qolǵa tústi. 40 jastaǵy jergilikti turǵyn ákimshilik jaýapqa tartyldy.
«Kúdiktige qatysty Qazaqstan Respýblıkasy ÁQBtK-niń 490-babynyń 1-bóligi 3-tarmaǵymen (Qazaqstan Respýblıkasynyń dinı qyzmet jáne dinı birlestikter týraly zańnamasyn buzý, dinı ádebıetti jáne dinı mazmundaǵy ózge de materıaldardy, dinı maqsattaǵy zattardy ákelýge, ázirleýge, shyǵarýǵa, basyp shyǵarýǵa jáne (nemese) taratýǵa kózdelgen quqyq buzýshylyq jasaǵany úshin ákimshilik is qozǵalǵan. Sot qaýlysymen destrýktıvti dinı aǵym ustanýshysy kináli dep tanylyp, oǵan 153 000 teńge kóleminde ákimshilik aıyppul salyndy»-delingen Shymkent qalasy polıtsııa departamentiniń baspasóz qyzmeti taratqan habarlamada.