Shymkentte ekinshi dúnıejúzilik soǵystyń úsh ardageri qaldy
Onyń biri – 98 jastaǵy Abylaı Qazbaev. Ol artıllerııanyń quramynda jaý tankilerin joıýǵa bar kúsh-jigerin jumsaǵan. Al, Muratáli Tólepbergenuly Varshava, Gdansk, Bısmark qalalaryndaǵy soǵysqa qatysqan. Nına Mosýnova bolsa surapyl soǵys jyldarynda pýlemetshi bolǵan.
Búginde Shymkent qalasynda Jeńis kúnin toılaýǵa arnalǵan daıyndyq jumystary júrip jatyr. Qala ákimdigi baspasóz qyzmetiniń habarlaýynsha, jumyspen qamtý jáne áleýmettik qorǵaý basqarmasy tarapynan ardagerlerdiń esep shottaryna 1 242 000 teńgeden aýdarylady. Sondaı-aq, jergilikti maıdangerlerge kommýnaldyq qyzmetter tólemine jeńildikter jasalǵan. Kezekten tys sanatorlyq-kýrorttyq emdelýge de joldama beriledi.
Sonymen qatar, mereke qarsańynda máslıhat sheshimine sáıkes 2 183 tyl ardagerine 12 AEK nemese 41 400 teńgeden bir jolǵy tólemaqy tólenedi.