Shymkentte dúnıege kelgen alyp balaǵa ata-anasy Alpamys dep at qoıdy
Shymkentte 31 jastaǵy kelinshek salmaǵy 6 keli bolatyn alyp sábıdi dúnıege alyp keldi.
Bilikti dárigerler bóbekti ishten jaryp almaı, anasyn tabıǵı jolmen bosandyrǵan.
Qazir batyr balanyń da, anasynyń da jaǵdaıy birqalypty.
«Búgin túngi saǵat 01:05-te perzenthanaǵa 1992 jyly týǵan júkti áıel jedel járdem kóligimen jetkizilgen bolatyn. Tańǵy saǵat 07:30-da ol salmaǵy - 6000 gr, boıy – 65 sm bolatyn batyr balany dúnıege alyp keldi. Úlken salmaqpen týǵan sábıge erekshe kútim qajet», - delingen Shymkent qalasy densaýlyq saqtaý basqarmasynyń baspasóz qyzmeti taratqan aqparatta.
Qalalyq №2 aýrýhanaǵa qarasty perzenthanada týǵan búldirshindi ata-anasy Alpamys dep atady.
Dárigerler ana men balany keler aptada úıge shyǵarýdy josparlap otyr.
Aıta keteıik, sáýir aıynda da Shymkentte salmaǵy 6 keliden asatyn alyp náreste dúnıege kelgen bolatyn.