Shymkentte «DámDásTour» restorandar jármeńkesi ótip jatyr

ShYMKENT. QazAqparat - Shymkent qalasynda «Naýryz – Shymqalada» merekelik baǵdarlamasy aıasynda «DámDásTour» tuńǵysh restorandar jármeńkesi ótip jatyr, dep habarlaıdy QazAqparat tilshisi.

Jármeńkege qala ákimi Murat Áıtenov qatysyp, kópshilikti merekemen quttyqtady.

Jármeńkege jergilikti Wok-Wok, BarVilka, Bahchı-Saraı, Káýsar, Kók-Saray, ThePAPA, Ladýshkı, 19.06, Madlen, The secret, Happy cake, Afrasıab, Kofe molka, Blınchık syndy 50-ge jýyq qatysyp otyr. Olar «Eń úzdik shymkenttik palaý», «Eń úzdik shymkenttik naýryz kóje», «Eń úzdik shymkenttik kondıterlik ónim», «Eń úzdik shymkenttik fast-fýd», «Eń úzdik shymkenttik káýap» jáne «Eń úzdik shymkenttik samsa» nomınatsııalary boıynsha baq synaýda.

Úzdikterdi qazylar alqasynyń quramyndaǵy «Horeca Qazaqstan» meıramhana-qonaq úı bıznesi kásiporyndary Ulttyq qaýymdastyǵynyń Prezıdenti I.Kopaılov jáne Tomas Mıýller, S.Otarbaev, R.Ýsmanov syndy shef-aspazdar, telejúrgizýshi Aıgúl Múkeı, food-bloger jáne vaıner M.Mamraımov, Shymkent qalasy Іsker áıelder qaýymdastyǵynyń prezıdenti A. Arhabaeva, «GraMad» sýpermarketter jelisiniń bas dırektory jáne máslıhat depýtaty A. Naımbekovalar anyqtaıdy.

Jeńimpazdarǵa qarjylaı syı-sııapattar qarastyrylǵan.

Jármeńke barysynda merekelik kesh uıymdastyrylyp, hedlaıner retinde ánshi Argonya jáne «Metis,s» toby men qalaǵa tanymal óner juldyzdary qatysyp, án shyrqaýda. Sondaı-aq, kelýshilerge saǵat saıyn konkýrstar men oıyndar uıymdastyrylýda.

Aıta keteıik, eki kúnge sozylatyn shara tańǵy 10:00-den keshki 22:00-ge deıin jalǵasady.