Shymkentte buzaqylar jedel járdemge jeti ret shabýyl jasaǵan

ShYMKENT. QazAqparat - Shymkenttegi jappaı tártipsizdik kezinde buzaqylar jedel járdem kólikterine tas atyp, jolyn begegen, dep habarlaıdy QazAqparat tilshisi.

Qańtardyń 4 jáne 5 kúnderi jedel járdem qyzmetine júgingender kóp bolǵan. Degenmen, shaqyrtýlarǵa jolǵa shyqqan kólikterge buzaqylar tas atyp, jolyn bógegen.

Tipti ishindegi feldsher qyzdy julqylap, kúsh kórsete bastaǵanda áriptesteri arasha túsip aman alyp qalypty.

«Sol kúni shaqyrtýshylar sany kóp boldy. Sondyqtan, dıspetcherlerdi kóbeıttik. Memlekettik mańyzdy nysan bolǵandyqtan 103 sall-ortalyq ornalasqan nysannyń qaýipsizdigin qamtamasyz ettik. 4 qańtar kúni eki brıgadaǵa shabýyl jasaldy. Al, 5 qańtarda 5 shabýyl boldy. Jalpy 6 avtókóligimizdiń terezeleri syndy. Bir feldsherdiń ıyǵyna tas tıdi», - dedi Shymkent qalasy jedel járdem stansasynyń bas dárigeri Gúlnar Qurmanbekova.

Al, jedel járdem qyzmetiniń dárigeri Maqsat Myltyqbaev 5 qańtar kúni kezekshilikke túsken.

Jappaı tártipsizdik oryn alyp jatqan aımaqtan qashyp, adam joq jerlermen júrgen.

Baılanys bolmaǵandyqtan brıgadalar ratsııamen jumys istepti.

«Naýqastarǵa jetýde keshigýler boldy. Kólik artynda otyrǵanda tas tıip kólik terezesi qırady. Al, ózimiz aman qaldyq» - deıdi ol.