Shymkentte búldirshinniń basyna kastról keptelip qalǵan

ShYMKENT. QazAqparat - Shymkentte bir jarym jasar búldirshin kastrólmen oınap júrip, ony sheshe almaı qalǵan. Ydysty ata-anasy da sheship ala almaǵan soń, kómekke qutqarýshylardy shaqyrǵan, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, kastról balanyń basyna tyǵyz kıilip qalǵan. Sondyqtan ony ata-anasy sheshe almaı qalǵan. Bul oqıǵa týraly qutqarý qyzmetine kúndizgi saǵat 12.40-ta habarlama kelip túsken. Búldirshinniń úıine bas qutqarýshy K.Nusqabaevtyń basshylyǵymen 4 qyzmetker keldi.

«Qutqarýshylar ósimdik maıyn qoldanyp, abaılap jáne naqty is-qımylmen 15 mınýt ishinde kishkentaı búldirshinniń basynan kastróldi alyp tastaǵady. Balanyń basyna zaqym kelmegen», delingen habarlamada.