Shymkentte bir saǵat ishinde 100-den asa sarbaz daýys berip úlgerdi
«Saılaý — elimizdegi mańyzy zor saıası naýqan. Al, saılaýda belsendilik tanytý — árbirimizdiń azamattyq paryzymyz. Sebebi, biz óz tańdaýymyzdy jasaı otyryp, Jańa Qazaqstannyń jańa qoǵamyn qalyptastyramyz. Elimizdiń órkendeýine tyń serpin ákeletin baǵdarlamany qoldaımyz. Bizdiń 6698 áskerı bóliminde 200-den astam sarbaz daýys berýge qatysady. Biz Shymkent qalalyq aýmaqtyq saılaý komıssııasyna aldyn ala ótinish bildirdik. Jabyq saılaý ýchaskesi retinde munda tek sarbazdar ǵana daýys bered» - deıdi №30 saılaý ýchaskesi komıssııasynyń tóraǵasy, 6698 áskerı bólimi komandıriniń orynbasary, podpolkovnık Rýslan Bektursynov.
6698 áskerı bólimde Otan aldyndaǵy boryshyn ótep júrgen qatardaǵy jaýynger qaraǵandylyq Davıd Velıkanov óz tańdaýyn jasady.
«Men Qazaqstannyń patrıoty retinde óz tańdaýymdy jasadym. Elimizdiń keleshegi jarqyn bolýy úshin árbirimizdiń daýsymyz mańyzdy», - deıdi ol.
Aıta keteıik, atalǵan áskerı bóliminiń basshylyǵy alǵashqylardyń qatarynan tabylǵan 4 sarbazǵa arnaıy syılyq úlestirdi. Bir saǵat ishinde 102 sarbaz daýys berip úlgerdi.