Shymkentte bazarlar jabylady - feık

ShYMKENT. QazAqparat - Shymkent qalalyq Sanıtarııalyq-epıdemıologııalyq baqylaý departamentiniń mamandary Shymkentte bazarlar jabylatyny týraly jelide tarap jatqan aqparatqa túsinik berdi, dep habarlaıdy QazAqparat tilshisi.

Mamandar bergen málimetke súıensek, áleýmettik jelide ótken jylǵy karantın tusynda departament basshysynyń orynbasary A.Ahmetovtiń telearnaǵa bergen suhbaty tarap jatyr. Onda sanıtar dáriger karantın kúsheıtilgenin aıtyp, bazarlar jabylatynyn habarlaǵan. Al kópshilik jurt vıdeonyń 2021 jyly túsirilgenin eskermeı, túsinbeýshilik tanytyp jatyr.

«WhatsApp jelisinde Shymkent qalasyndaǵy bazarlardyń jabylýy týraly tarap jatqan aqparat shyndyqqa janaspaıdy. Bul - departament basshysynyń orynbasary A.Ahmetovtiń 2021 jyly bergen suhbaty», - deıdi Shymkent qalalyq Sanıtarııalyq-epıdemıologııalyq baqylaý departamentiniń jurtshylyqpen baılanys jónindegi bas mamany Ý.Álibaeva.

Shymkent qalasy koronavırýs boıynsha qazirgi tańda «jasyl» aımaqta. Karantındik shekteýler qarastyrylmaǵan. Qalada KVI-men naýqastaný sanynyń ósýine baılanysty dárigerler saqtyq sharalaryn saqtaýdy, qoǵamdyq oryndarda jáne qoǵamdyq kólikte betperde taǵýdy, qoldy antıseptıkpen jıi óńdeýdi, áleýmettik araqashyqtyqty saqtaý kerektigin aıtýda.