Shymkentte bas sanıtar dárigerdiń jańa qaýlysy shyqty

NUR-SULTAN. QazAqparat – Shymkent qalasy bas sanıtar dárigeriniń jańa qaýlysy boıynsha karantın shekteýlerine ózgerister engizildi, dep habarlaıdy QazAqparat tilshisi.

Qujat boıynsha, jumys ýaqyty demalys kúnderi saǵat 01.00-ge deıin, Ashyq kóshbasshylarynyń jumys ýaqyty saǵat 03.00-ge deıin dep belgilendi. Biraq ol úshin qyzmetkerler men kelýshilerde «jasyl mártebe» bolýy shart.

«Osy tarmaqta kózdelgen «jasyl mártebeniń» bolýy jáne jumys rejımin shekteý týraly talap oblysaralyq jáne oblysishilik turaqty tasymalǵa, otelderge, qonaq úılerge, áýejaılarǵa, temirjol, avtomobıl vokzaldaryna, avtostantsııalarǵa, jolaýshylarǵa qyzmet kórsetý pýnktterine, bilim berý obektilerine, JOO - ǵa, kolledjderge, ınternattarǵa, bilim berý uıymdarynyń jataqhanalaryna qoldanylmaıdy», - dep jazylǵan jańa qaýlyda .

Qaýlynyń taǵy bir tarmaǵy boıynsha Ashyq jobasyna qatysatyn bıznes obektileriniń jumys kúnderindegi qyzmet kórsetý ýaqyty demalys kúnderindegi rejımmen teńestiriletini aıtylǵan.

Al túngi klýbtardyń qyzmeti ishinara ǵana shektelmek. Naqtyraq aıtsaq, Ashyq jobasyna qatysatyn túngi klýbtardyń qyzmetkerler men kelýshilerinde «jasyl mártebe» bolǵan jaǵdaıda júktelim 50%-ǵa deıin nemese70 orynnan asyrmaı jumys isteýge bolady.