Shymkentte balabaqshalarǵa jalǵan monıtorıng jasap, para alyp kelgen qyzmetker ustaldy

ASTANA. QazAqparat – Elimizdiń 5 óńirinde oblystyq bilim basqarmalarynyń qyzmetkerleri monıtorıng sharalaryn alǵa tartyp, jekemenshik balabaqshalardyń qyzmetin zańsyz teksergen. BAQ ókilderiniń qatysýymen ótken brıfıngide Sybaılas jemqorlyqqa qarsy is-qımyl agenttiginiń Preventsııa qyzmetiniń basshysy Saıan Ahmetjanov osylaı málimdedi, dep habarlaıdy QazAqparat tilshisi.

«Elimizdiń 5 óńirinde oblystyq bilim basqarmalarynyń qyzmetkerleri monıtorıng sharalaryn alǵa tartyp, jekemenshik mektepke deıingi mekemelerdiń qyzmetin zańsyz teksergen. Nátıjesinde Shymkent qalasynda bizdiń aýmaqtyq departamentimiz qalalyq bilim basqarmasynyń qyzmetkerleriniń balabaqsha ıelerinen júıeli negizde olardy teksermegeni úshin para alý faktileriniń jolyn kesti. Qazir bul qylmystyq is óndiriste», - dep málim etti Preventsııa qyzmetiniń basshysy.

Sonymen birge Saıan Ahmetjanovtyń dereginshe, «Bızneske jol» jobasy aıasynda kásipkerlerdiń isine kedergi keltirgen 47 laýazymdy tulǵa jaýapqa tartyldy.

Buǵan qosa, óńirlerdegi bilim basqarmalarynyń qyzmetkerleri Kundelik.kz-ke mektep ashanasyndaǵy mázirdi ornalastyrǵany úshin kásipkerlerden aqsha alyp kelgen.