Shymkentte avtoHQO-daǵy uzyn-sonar kezek: Jelide taraǵan vıdeoǵa resmı jaýap berildi
Áleýmettik jelide Shymkent qalasyndaǵy avtoHQO aldynda jastardyń kezekke talasyp jatqany týraly vıdeo tarady.
Onda júrgizýshi kýáligine emtıhan tapsyrýǵa kelgen jastardyń qaqpadan ótýge talasyp jatqanyn kórýge bolady.
Tipti, keıbiri bıik qorshaýdan sekirip ótip, mekemege kirý úshin jantalasa júgirýde.
Atalǵan jaǵdaı boıynsha «Azamattarǵa arnalǵan úkimet» korporatsııasy resmı jaýap berdi.
«Qazirgi tańda Shymkent qalasyndaǵy N1 mamandandyrylǵan HQO-da S1 (júk gazel) sanaty boıynsha praktıkalyq júrgizýshi emtıhanyn tapsyrǵysy keletinderdiń sany kóp. Bul kategorııa boıynsha qujat alýǵa nıetti azamattar sanynyń kúrt ósýi qaladaǵy eki avtodromnyń birinde tehnıkalyq jóndeý jumystarynyń júrgizilýi sebep boldy» - delingen habarlamada.
Resmı jaýapqa súıensek, vıdeodaǵy jaǵdaı boıynsha eshqandaı quqyqbuzýshylyq tirkelmegen. Sondaı-aq múlikke eshqandaı zııan kelmegen.
Al, avtoHQO shtattyq rejimde jumys istep tur. Klıentter avtokólikterdi qaıta tirkeý jáne teorııalyq emtıhan tapsyrý qyzmetine júgine alady.
Al, avtodrom aqpan aıynyń sońynan bastap jumysyn jalǵastyryp, kólik júrgizýdiń barlyq sanattary boıynsha azamattardy qabyldaı bastaǵan.
Degenmen, osy ýaqyt ishinde tájirıbelik emtıhan tapsyrýǵa nıet bildirgen azamattar sany kóbeıgen.
«№1 avtoHQO-ǵa Shymkent qalasy turǵyndarynyń ǵana emes (halyq sany – 1 mıllıonǵa jýyq adam), búkil Túrkistan oblysynyń (halyq sany – 2 mıllıonnan astam adam) júginýi jaǵdaıdy qıyndatyp otyr. Kelýshilerdiń kóptigin eskere otyryp, qazirgi ýaqytta avtoHQO-nyń jumys ýaqyty uzartyldy. Sondaı-aq S1 sanaty boıynsha emtıhan tapsyrýǵa qosymsha avtokólik bólindi. Sonymen birge S-1 sanatyndaǵy kólikterge GPS datchıkteri ornatylǵansha Shymkent qalalyq polıtsııa departamentimen praktıkalyq emtıhandy komıssııa arqyly qabyldaý máselesi pysyqtalyp jatyr. Odan bólek, qazirgi tańda Túrkistan oblysynda avtoHQO ashý máselesi sheshilip jatqanyn habarlaımyz» - deıdi «Azamattarǵa arnalǵan úkimet» korporatsııasydaǵylar.
Aıta keteıik, Shymkent qalasyndaǵy №1 avtoHQO 19, 20 jáne 23 naýryzda saǵat 8.00-den 19.00-ge deıin jumys isteıtin bolady.