Shymkentte aýyr atletterge arnalǵan ortalyq órtendi

ShYMKENT. QazAqparat - Shymkentte aýyr atletterge arnalǵan ortalyq órtendi. Jalyn sharpyǵan aýmaq 150 sharshy metrdi quraǵan. Qaza bolǵandar men zardap shekkender joq, dep habarlaıdy QazAqparat tilshisi.

Búgin tańǵy saǵat 07:54-te «101» jelisine Eńbekshi aýdanyndaǵy Erimbetov kóshesi №28 mekenjaıda ornalasqan jattyǵý zalynda órt shyqqandyǵy jóninde habarlama túsken.

Alǵashqy órt sóndirý brıgadasy kelgende úshinshi qabattyń tóbe jappasy janyp jatqan. Ýchaskelerdi sýmen jabdyqtaý 15 metr qashyqtyqta ornalasqan órt gıdranttarynan júzege asyryldy.

Órt saǵat 08: 45-te tolyǵymen sóndirildi.

Órtti sóndirýge TJD-nyń 26 qyzmetkeri men 6 tehnıkasy, Polıtsııa departamentiniń 3 qyzmetkeri men 5 tehnıkasy, elektr jelisiniń avarııalyq qyzmeti jumyldyryldy.

Qazir Shymkent qalasy TJD «ÓS jáne AQJQ» MM zertteý órt-synaq zerthanasy jumys isteýde. Órttiń sebepteri men órtten keltirilgen zalal anyqtalýda.