Shymkentte aýrýhanadan qashyp ketken alaıaq áıel izdestirilip jatyr
20:49, 13 Qyrkúıek 2023
Shymkentte aýrýhanadan qashyp ketken alaıaq áıel izdestirilip jatyr, dep habarlaıdy QazAqparat tilshisi.
Shymkent polıtsııasy 40 jastaǵy Ferýza Korchıevaǵa izdeý jarııalady. Ol tanysynyń banktiń turǵyn múlkin kepilden shyǵaryp bermek bolyp, jalpy somasy 12 mıllıon 700 myń teńgesin alyp ketken. Aqshany alǵan soń, kúdikti habar-osharsyz izin sýytqan.
«Atalǵan is QR QK-niń 190-baby 4- bóligi boıynsha tirkeldi. Alaıda áıel tergeý men sottan boı tasalap júr. Ferýza Korchıeva sońǵy ret densaýlyǵynyń nasharlaýyna baılanysty jedel járdemmen aýrýhanaǵa jetkizilip, sol jerden qashyp ketken», - delingen Shymkent qalasynyń polıtsııa departamenti taratqan aqparatta.